به‌رنامه‌کانی روژ
شه‌ممه‌
هەواڵەکان21 / 9 / 2019
وەک خۆی 21 / 9 / 2019
کریڤۆ21 / 9 / 2019
لە ئینترنێەوە 21 / 9 / 2019
اخبار21 / 9 / 2019
هەواڵەکان14 / 9 / 2019
سروودی شۆرشگێری 14 / 9 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی هەینی ٢٠٠٩٢٠١٩
بەرنامەی پێنج شەممە ١٩٠٩٢٠١٩
بەرنامەی چوار شەممە ١٨٠٩٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی دەفتەری سیاسی بەبۆنەی 27 ساڵەی شەهیدبوونی د. سادق شەرەفکەندی
پەیامی ناوەندی هاوکاریی حیزبەکانی کوردستانی ئێران بە بۆنەی یەکەمین ساڵوەگەڕی تاوانەکانی ١٧خەرمانان
هه‌ڵبژارده‌
وەک خۆی - شەوە شێعر بۆ ڕێزلێنان لە دوو شاعیری لاو , عەلی مەحموودی و مەنسوور خزری - بانە
کریڤۆ - رێکخراوەکانی کۆمەڵگای مەدەنی ( رکم ) بەشی ٢٢
لە ئینترنێتەوە ..نوێ ١٨
روانگە - کوردستان لە حەوتووی ڕابردوودا
هه‌واڵه‌کان
به‌رێوه‌چوونی سمینارێک تایبه‌ت به‌ هه‌ڵسه‌نگاندنی 2ی رێبه‌ندان له‌ شاری سلێمانی 24 / 1 / 2011 سمینارێکی تایبه‌ت به‌ 65 ساڵه‌ی دامه‌زرانی کۆماری کوردستان له‌ شاری سلێمانی به‌رێوه‌چوو. دوینی یه‌کشه‌ممه‌، رێکه‌وتی 3ی رێبه‌ندان به‌ بۆنه‌ی 65 ساڵه‌ی دامه‌زرانی کۆماری کوردستان‌، به‌ به‌شداریی زۆرێک له‌ نوێنه‌رانی لایه‌نه‌ سیاسییه‌کانی کوردستان، ژماره‌یه‌کی به‌رچاو له‌ که‌سایه‌تی سیاسی و مامۆستایانی زانکۆو تێکۆشه‌رانی سیاسی و روژنامه‌وانیی باشوورو رۆژهه‌ڵاتی کوردستان، سمینارێکی تایبه‌ت له‌ شاری سلێمانی به‌رێوه‌چوو. دۆینێ یه‌کشه‌ممه‌، رێکه‌وتی 3ی رێبه‌ندان به‌ ده‌سپیشخه‌ریی نوێنه‌رایه‌تیی حیزبی دێموکراتی کوردستان، له‌ شاری سلێمانی سمینارێکی تایبه‌ت به‌ 65 ساڵه‌ی دامه‌زرانی کۆماری کوردستان، له‌ هۆڵی "ته‌وار" ی ئه‌م شاره‌ به‌ڕێوه‌چوو. له‌م سمیناره‌دا که‌ نوێنه‌رانی به‌شێکی به‌رچاو له‌ هێزو لایه‌نه‌ کوردستانییه‌کان، به‌ سه‌دان که‌سایه‌تی سیاسی و رووناکبیری و به‌تایبه‌ت مامۆستایانی زانکۆو شاره‌زایانی مێژووی کوردستان و ئه‌ژمارێکی به‌رچاو له‌ تێکۆشه‌رانی سیاسی و رۆژنامه‌وانی تێدا به‌شدار بوو، هه‌ر سێ شاره‌زای مێژووی کورد، دوکتور ئارام عه‌لی، مامۆستای زانکۆ، دوکتور جه‌عفه‌ر عه‌لی، ئه‌ندامی پارلمانی کوردستان و هه‌ر وه‌ها به‌رێز سمایل بازیار، مامۆستای زانکۆو یه‌کێک له‌ سیما ناسراوه‌کانی حیزبی دێموکراتی کوردستان وتاریان پێشکه‌ش کرد. له‌ سه‌ره‌تای سمیناره‌که‌ دوای کردنه‌وه‌ی پێشانگایه‌کی وێنه‌یی له‌ لایه‌ن که‌سایه‌تی سیاسیی کورد، مامۆستا عه‌بدوڵڵا حه‌سه‌ن زاده‌، به‌ راگه‌یاندنی ساتێک بێده‌نگی بۆ رێزگرتن له‌ گیانی شه‌هیدانی کوردستان و چه‌ند وته‌یه‌کی به‌رێز مادح ئه‌حمه‌دی، به‌رپرسی ده‌فته‌ری نوێنه‌رایه‌تی حیزبی دێموکراتی کوردستان له‌ شاری سلێمانی ده‌ستی پێکرد. ناوبراو وێڕای به‌خێرهاتنکردنی به‌شدارانی سمینارو پێرۆزبایی 2ی رێبه‌ندان، سه‌باره‌ت به‌ ئامانجه‌کانی ئه‌م سمیناره‌و کۆبوونه‌وه‌ی بیرو بۆچوونه‌ جیاوازه‌کان له‌م سمیناره‌دا قسه‌ی بۆ به‌شدار کرد. پاشان دوکتور ئارام عه‌لی، مامۆستای زانکۆ له‌ پێوه‌ندی له‌ گه‌ڵ چۆنیه‌تی دامه‌زرانی کۆماری کوردستان بابه‌تێکی پێشکه‌ش کرد. به‌رێزیان له‌ سه‌ره‌تای باسه‌که‌یدا ئاوڕێکی له‌و رووداوه‌ سیاسییانه‌ دایه‌وه‌ که‌ پێش له‌ دامه‌زرانی کۆماری کوردستان له‌ ناوچه‌که‌دا هاتبوونه‌ ئاراوه‌‌و به‌ ئاماژه‌دان به‌ خاڵه‌ لاوازه‌کانی مێژووی کوردستان و جووڵانه‌وه‌کان، دواتر په‌رژایه‌ سه‌ر دامه‌زرانی کۆماری کوردستان. ئارام عه‌لی له‌ درێژه‌ی باسه‌که‌یدا باسی له‌ چۆنییه‌تی مامه‌ڵه‌کردنی پێشه‌وا قازی محه‌ممه‌د له‌ گه‌ڵ رووداوکانی ده‌ورووبه‌ری خۆی کرد که‌ چه‌نده‌ واقعبینانه‌ به‌ ده‌رک کردن به‌ هه‌لوومه‌رجی سیاسی ناوچه‌که‌و توانایی گه‌له‌که‌ی، بزووتنه‌وه‌ی میله‌ته‌که‌ی رێبه‌ری ده‌کات و له‌ ئاکام دا کۆماری کوردستان راده‌گه‌یه‌نێ. به‌شێکی دیکه‌ی بابه‌ته‌که‌ی به‌رێزیان تایبه‌ت بوو به‌ چۆنیه‌تی پێوه‌ندیی کۆماری کوردستان و پێشه‌وا قازی محه‌ممه‌د له‌ گه‌ڵ ده‌وڵه‌وتی سۆڤییه‌ت و حکوومه‌تی میللی ئازه‌ربایجان. له‌ به‌شێکی دیکه‌ی ئه‌م سمیناره‌دا دوکتور جه‌عفه‌ر عه‌لی، ئه‌ندامی پارلمانی کوردستان بابه‌تێکی له‌ ژێر ناوی "کۆماری کوردستان به‌رهه‌می ناسینالیزمی کوردو قوربانیی شه‌ری سارد" پیسکه‌ش کرد. به‌رێزیان به‌ ئاوڕدانه‌وه‌یه‌ک له‌ فه‌زای سیاسی و کۆمه‌ڵایه‌تی کوردستان پێش له‌ دامه‌زرانی کۆماری کوردستان و به‌ ئاماژه‌دان به‌و فاکته‌رانه‌ی که‌ له‌ گه‌شه‌ سه‌ندنی ناسیمنالیزمی کورد له‌ رۆأهه‌ڵاتی کوردستان دا ده‌خیل بوون، کۆماری کوردستانی به‌ به‌رهه‌می گه‌شه‌ی ناسیونالیزمی کورد پێناسه‌ کرد. سه‌باره‌ت به‌ دووهه‌م ته‌وه‌ری باسه‌که‌ی، دوکتور جه‌عفه‌ر عه‌لی، به‌ وردی په‌رژایه‌ سه‌ر شه‌ری نێوان وڵاتانی زلهێزی ئه‌و کات ( ئامریکا، بریتانیاو سۆڤییه‌ت) له‌ سه‌ر ئێران پێی وابوو که‌ به‌ کشانه‌وی ئه‌رته‌شی سوور له‌ باکووری ئێران و رووخانی هه‌ردوو کۆماری کوردستان و ئازه‌ربایجان یه‌که‌م شکستی یه‌کێتی سۆڤییه‌ت له‌ قۆناخی شه‌ری ساردا تۆمار کراو وتی که‌: کۆماری کوردستان بووبه‌ قوربانیی شه‌ڕی ساردی نێوان ده‌وڵه‌ته‌ زلهێزه‌کانی ئامریکاو بریتانیا له‌ لایه‌ک و یه‌کیه‌تیی سۆڤییه‌ت له‌ لایه‌ک. له‌ به‌شێکی دیکه‌ی کاری کۆنفڕاسی یادی 65 ساڵه‌ی دامه‌زرانی کۆماری کوردستان که‌ له‌ شاری سلێمانی به‌رێوه‌چوو، به‌رێز سمایل بازیار، مامۆستای زانکۆو یه‌کێک له‌ تێکۆشه‌رانی دێرینی ریزه‌کانی حیزبی دێموکراتی کوردستان بابه‌تێکی له‌ ژیر ناوی "کۆماری کوردستان به‌رهه‌می گه‌شه‌کردنی بیری ناسیونالیستی" پیشه‌که‌ش کرد. به‌رێزیان له‌ سه‌ره‌تای باسه‌که‌یدا به‌ ئاماژه‌دان به‌ ره‌چاوکردنی سیاسه‌تی توانه‌وه‌ی کورد له‌ لایه‌ن ده‌سه‌ڵاته‌ ره‌زاخانییه‌وه‌ که‌ ده‌یه‌ویست به‌ توانه‌وه‌ی نه‌ته‌وه‌ کوردو نه‌ته‌وه‌کانی دیکه‌ له‌ نه‌ته‌وه‌ی فارس دا پرۆسه‌ی نه‌ته‌وه‌ی ئێران به‌ ئه‌نجام بگه‌یه‌نێ، گه‌شه کردنی بیری نه‌ته‌وه‌ په‌ره‌ستی کۆمه‌ڵگای کوردستانی به‌ ناسینالیزم له‌ چه‌شنی په‌رچه‌کرداری پێناس کردو پێی وایه‌ که‌ کۆماری کوردستان به‌رهه‌مه‌ گه‌شه‌کردنی ناسیونالیزمه‌. به‌رێز بازیار له‌ به‌شێکی دیکه‌ی قسه‌کانی دا به‌ ئاماژه‌ کردن به‌ فاکته‌ره‌کانی ده‌خیل له‌ په‌ره‌گرتنی هه‌ستی نه‌ته‌وه‌په‌ره‌ستی له‌ رۆژهه‌ڵاتی کوردستان، رۆڵی که‌سایه‌تیه‌کی وه‌ک مامۆستا ئه‌حمه‌د فه‌وزیی که‌ زۆر پێش له‌ دامه‌زرانی کۆماری کوردستان له‌ باشووری کوردستانه‌وه‌ رووی له‌ ناوچه‌ی مهاباد کردبوو، به‌رز نرخاند. له‌ دوایین به‌شی باسه‌که‌یدا به‌رێز کاک سمایل بازیار کۆماری کوردستانی وه‌ک ده‌سه‌ڵاتیکی مودێڕن و سێکۆلار پێناسه‌ کرد که‌ به‌ ره‌چاوکردن و پشت به‌ستن به‌ سیستمه‌کانی په‌روه‌رده‌، ماڵیات و کۆماریی و دانانی سروودی میللی و ئاڵا مێژووی کورد ده‌خاته‌ قۆناغێکی نوێوه‌. دوایین به‌شی ئه‌م سمیناره‌ ته‌رخان کرابوو بۆ‌ پرسیارو تێبینیی به‌شداران که‌ له‌م به‌شه‌شدا چه‌ند که‌س له‌ به‌شداران یه‌ک له‌وان دوکتور که‌یوان ئازاد، مامۆستای زانکۆو شاره‌زا له‌ سه‌ر مێژووی کورد راوبۆچوونه‌کانی خۆیان له‌ پێوه‌ندی له‌ گه‌ڵ باسه‌کان دا هێنایه‌ گۆڕێ که‌ دواتر له‌ لایه‌ن کۆڕگێڕانه‌وه‌ وڵامیان درایه‌وه‌. پێویست به‌ ئاماژه‌ پیدانه‌ که‌ هه‌یئه‌تێکی رێبه‌ریی حیزبی دیموکراتی کوردستان به‌ سه‌رپه‌ره‌ستی مسته‌فا مه‌ولوودی، جێگری سکرتێری گشتیی حیزب و به‌ هاوڕێیه‌تی مامۆستا عه‌بدووڵا حه‌سه‌ن زاده‌ به‌شداری ئه‌م سمیناره‌ بوون