به‌رنامه‌کانی روژ
شه‌ممه‌
هەواڵەکان9 / 12 / 2017
دیداری تایبەت9 / 12 / 2017
گۆرانی کوردی 9 / 12 / 2017
ژیان و خەبات9 / 12 / 2017
اخبار9 / 12 / 2017
هەواڵەکان2 / 12 / 2017
روانینی رۆژ2 / 12 / 2017
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی دوو شەممە ١١/١٢/٢٠١٧
بەرنامەی یەک شەممە ١٠/١٢/٢٠١٧
بەرنامەی شەممە ٠٩/١٢/٢٠١٧
بڵاوکراوه‌کان
به‌یاننــــــا‌مه‌و راگه‌یه‌نراو
ڕاگەیەندراو کۆچی دوایی تێکۆشەری دێرین ئەحمەد ئاغای خاڵتاوێ
پەیامی ماتەمینی سکرتێری گشتیی حیزبی دێموکراتی کوردستان بە بۆنەی کۆچی‌دوایی خاتوو زەینەب شەڕەفکەندی
هه‌ڵبژارده‌
رەنگاڵە
پرسی رۆژ - پلاتفۆرمی وێران بۆ لاوانی رۆژهەلات میوانی بەرنامە : کاک پێشەوا عەلی پوور سکرتێری گشتی یەکێتی لاوانی رۆژهەلاتی کوردستان
ئاورێک لە مێژووی بزووتنەوەی خوێندکاریی ئێران و هۆکارەکانی داوێستاویی ئەم بزووتنەوەیە
دیداری تایبەت - باسێک سەبارەت بە یەکەم کۆنفرانسی شورای دێموکراسی خوازان میوانی بەرنامە : کاک ئەبوو بەکر مودەرەسی جێگری سکرتێری گشتی کۆمەڵەی شۆرشگێر
هه‌واڵه‌کان
سەردانی یەکیەتیی ژنانی دێموکراتی کوردستان لە مەزارگەی مام جەلال تاڵەبانی 12 / 10 / 2017

هەیئەتێکی یەکیەتیی ژنانی دێموکراتی کوردستان سەردانی مەزاری سەرۆک مام جەلال تاڵەبانی کرد.

رۆژی چوار شەممە ١٩ / ٧/ 1396    بەرامبەر بە   ١١ی ئۆکتۆبری ٢٠١٧ی زایینی هەئەتێکی یەکیەتیی ژنانی دێموکراتی کوردستان بە سەرپەرستی سۆهەیلا قادری سکرتێری یەکیەتیی ژنان و بە هاوڕێیەتی خاتوو نەسرین حەداد ئەندامی رێبەریی حیزب و خاتوو چیمەن تۆفیق لێپرسراوی لقی کۆیەی یەکێتیی ژنانی کوردستان و کۆمەڵێک لە ئەندامانی بەڕێوەبەریی و ئەندامانی یەکیەتیی ژنانی دێموکراتی کوردستان  بە نوێنەرایەتی هەموو ئەندامانی ئەو یەکیەتییە چوونە سەر مەزاری مام جەلال تاڵەبانی و لە رێورەسمێکی تایبەتدا رێزیان لە تەمەنێک لە خزمەت و تێکۆشانی ئەو رێبەرە گەورەی کورد گرت.
لە سەرەتایی رێورەسمەکەدا هەیئەتی یەکیەتیی ژنان بە شێوەیەکی شایستە و لە رێپێووانێکی فەرمیدا بە ئاڵای پیرۆزی کوردستانەوە  چونە سەر مەزاری مام جەلال و لە لایەن بەڕێزان سۆهەیلا قادری و نەسرین حەداد تاجە گوڵی رێز و وەفا لە سەر گڵکۆی مام جەلال  داندرا.
بە دوای ئەودا  کیژۆڵەی هونەرمەند و دەنگخۆش کوردستان عەزیزیان ئەندامی لاوی یەکیەتیی ژنان مەقامێکی بە سۆز کە هۆنراوە و ئاوازی خۆی بوو بە دەنگە سیحراویەکەی چڕی.
بە دوای ئەودا پرسەنامەی یەکیەتیی ژنان لە لایەن سکرتێری یەکیەتی ژنانەوە خوێندرایەوە .
 دەقی پرسەنامەکە بەو شێوەیە بوو:

پرسەنامە بە بۆنەی کۆچی دوایی سەرۆک مام جەلال تاڵەبانی

خەڵکی خەباتکاری کوردستان :

هەڤاڵانی سەرکردایەتی و کادر و ئەندامانی یەکیەتی نیشتمانی کوردستان :

هەواڵی کۆچی دوایی مام جەلال تاڵەبانی سەرکۆماری عێڕاق و سکرتێریی گشتی یەکیەتی نیشتمانی کوردستان خەمبار ودڵگرانی کردین . کۆچی سەرکردەی  کارێزما و لێهاتووی شۆڕش و خەباتی کوردایەتی و هێزی پشتیوانی سەردەمی سەختی خەباتی رۆژهەلاتی کوردستان ،بە خەسارێکی گەورە بۆ نەتەوەکەمان دەزانین . هیوادارین دوای ئەو کۆستەش گەلەکەمان بە گشتی و یەکیەتیی نیشتمانی کوردستان بە تایبەتی چۆک دانەدەن تا وەدی هاتنی  ئامانجە بەرزەکانی شەهیدانی کوردستان بە گشتی و شەهیدانی سەرکردە و رابەرانمان لە هەرچوار پارچەی کوردستان .

بەو هیوایە هەر وەک چۆن جەنابی مام جەلال سیمبوولی ئاشتی و پێکەوە ژیان بووە لە عێڕاق و کوردستان بە تایبەتی ،کۆچی دواییشی ببێتە هەوێنی ئاشتەوایی گشتی و ئاشتەوایی نەتەوەیی  و نێو ماڵی کورد بە تایبەتی .
شیاوی باسە هەر ئەو هەیئەتە کاتژمێر ٣ی دوای نیوەڕۆ بۆ رێزگرتن لە گیانی پاکی مامۆستا کەریم زەند ، نووسەر و رووناکبیری گەورەی کورد و مامۆستای کوردایەتی کە مامۆستای قوتابخانەکانی سەردەمی کۆماری کوردستان لە مەهاباد  بووە ،سەردانی ماڵی کۆچکردوویان کرد و لە نزیکەوە  سەرەخۆشیان  لە ئامینە خانم هاوسەری  کۆچکردوو مامۆستا کەریم زەند و بنەماڵەکەی کرد وهاوخەمی و هاودەردی خۆیان و هەموو ئەندامانی رێکخراوەکەیان بە بنەماڵە بەڕێزەکەی و خەڵکی شاری سلێمانی راگەیاند.