به‌رنامه‌کانی روژ
شه‌ممه‌
هەواڵەکان15 / 6 / 2019
وتوووێژەکان 15 / 6 / 2019
کریڤۆ15 / 6 / 2019
لە ئینترنێەوە 15 / 6 / 2019
اخبار15 / 6 / 2019
گۆرانی کوردی 15 / 6 / 2019
هەواڵەکان8 / 6 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی شەممە ١٥٠٦٢٠١٩
بەرنامەی هەینی ١٤٠٦٢٠١٩
بەرنامەی پێنج شەممە ١٣٠٦٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
راگه‌یاندراو : به‌ڕێوەچوونی پلینۆمی یازده‌هه‌می کۆمیته‌ی ناوه‌ندیی حیزبی دێموکراتی کوردستا
پەیامی پیرۆزبایی سکرتێری گشتیی حیزبی دێموکراتی کوردستان بەبۆنەی جێژنی ڕەمەزان
هه‌ڵبژارده‌
وتووێژی کاک خالید عەزیزی ئەندامی رێبەری حیزبی دێموکراتی کوردستان لە گەڵ رووداو
کریڤۆ - بزووتنەوەی کۆمەڵایەتییەکان بەشی ١١
لە ئینترنێتەوە ..نوێ ١٣
فیلمی داستانیی "زارا"
هه‌واڵه‌کان
داواکاریی چەند کەسایەتی وچالاکی سیاسی و مەدەنی بۆ دەست لە کارکێشانەوەی خامنەیی 12 / 6 / 2019 لە نێوخۆی ئێران ١٥ کەس لە چالاکانی سیاسی و مەدەنی خوازیاری دەست لەکارکێشانەوەی عەلی خامنەیی ڕێبەری کۆماری ئیسلامیی ئێران و گۆڕینی قانوونی ئەساسیی وڵاتن.
چەند ساڵێکە لەنێوخۆی ئێران کەسانێک داوای گۆڕینی یاسای بنەڕەتی وڵات دەکەن و لەمدواییانەشدا باس لە دەست لەکارکێشانەوەی عەلی خامنەیی ڕێبەری کۆماری ئیسلامیی ئێران دەکرێ.
ئەمڕۆژانە لە لایەن ١٥ کەس لە کەسایەتی و چالاکانی سیاسی و مەدەنی لە ڕاگەیەندراوێکدا داوای گۆڕینی قانوونی ئەساسیی ئێرانیان کردووە و بەتوندی ڕەخنەیان لە دەسەڵاتی بێسنووری خامنەیی و بێدەسەڵاتی سەرۆک کۆمار و ئەندامانی مەجلیس گرتوە.
لە بەشێک لە ڕاگەیەندراوەکەدا هاتوە: ساڵانێکە خەڵکانی دڵسۆزی فەرهەنگی، سیاسی و کۆمەڵایەتی خوازیاری گۆڕانی بنەڕەتی نیزامی کۆماری ئیسلامی بوون و، ئەو کەسانە دڵسۆزانە و بوێرانە، بەشێوەیەکی عەقڵانی و هەڵسەنگاندنی باردۆخی وڵات وێڕای ئەوەی کە هۆشدارییان داوەتە کاربەدەستانی ڕێژیم، چەند جارێکیش داوایان کردووە کە ڕیز لە دەنگی خەڵک بگرن، مافی هاونیشتمانییانی وڵاتیان لەبەر چاو بێ و ئەو شێوە دەسەڵاتدارییە بگۆڕن کە جیاوازییەکی زۆری لەگەڵ ویستی خەڵک هەیە.
زانایانی ئێرانی بەردەوام داوایان لە ڕێژیم کردووە کە ئاڵوگۆڕ لە ناکارامەیی و بەڕێوەبەریی هەڵەی وڵاتدا پێک بێنن و بە کەڵکوەرگرتن لە ئۆلگوو دێموکڕاتیکەکان واز لە دواکەوتوویی بێنن و وەدوای عەلی خامنەیی و هاودەستەکانی نەکەون.
لە بەشێکی دیکەی ڕاگەیەندراوەکەدا هاتوە: نیشتمانپەروەرانی وڵات لەو ساڵانەدا کە ئێران تووشی خەسارێکی زۆر بووە، داوایان کردووە کە عەلی خامنەیی واز لە لادان و وێرانی وڵات بێنێ، بەڵام بەداخەوە بەشێوەیەکی زۆر خراپ و بێشەرمانە خراونەتە زیندان و لەوێدا یا لە سێدارە دراون یا تووشی نەهامەتی و نەخۆشی بوون. مێژووی ترس و تۆقاندنی چل ساڵی ڕابردوو نیشانی داوە کە هیچ وەڵامێک بە ویستی خەڵک نەدراوەتەوە، ڕیژیم نەک هەر لەگەڵ گۆڕان ناتەبایە بەڵکوو لە سەر لادان و سەرەڕۆیی و ملهوڕی تاکەکەسییش بەردەوامە.
لەڕاگەیەندراوەکە ئاماژەی بە کۆمەڵێک کێشە و گرفتی وڵات کراوە و ڕەخنە لە دەسەڵاتی سەرەڕۆیانەی خامنەیی گیراوە و هەر لە هەمان کاتدا داوا لە خەڵک دەکەن کە بێدەنگ نەبن و بەشێوەیەکی مەدەنی و شارستانی هەوڵی گۆڕینی ئەو نیزامە و لە سەرکار لادانی عەلی خامنەیی بدەن.
ئەو کەسانەی ئەو ڕاگەیەندراوەیان بڵاو کردۆتەوە لە چەند کورتە ڤیدیۆیەکیشدا قسەیان لە سەر ئەو بابەتە کردووە،بریتین لە: ۱- محمد نوری‌زاد، ۲- دکتر محمد ملکی، ۳- مهندس هاشم خواستار، ۴- بانو گوهر عشقی (دایکی ستار بهشتی)، ۵- عباس واحدیان شاهرودی، ۶- بانو حوریه فرج‌زاده (خوشکی شهرام فرج‌زاده – لە ئێعدامکراوانی ساڵی ۸۸)، ۷- دکتر کمال جعفری یزدی، ۸ – محمد مهدوی‌فر، ۹- جواد لعل محمدی، ۱۰- رضا مهرگان، ۱۱- محمدرضا بیات، ۱۲- محمد کریم بیگی، ۱۳- زرتشت احمدی راغب، ۱۴- محمدحسین سپهری.