به‌رنامه‌کانی روژ
شه‌ممه‌
هەواڵەکان13 / 10 / 2018
دیدگاە روز 13 / 10 / 2018
روانینی رۆژ13 / 10 / 2018
اخبار13 / 10 / 2018
فیلم و دیکومنت13 / 10 / 2018
خوەر نیشان 12 / 10 / 2018
هەواڵەکان11 / 10 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی یەک شەممە ١٤١٠٢٠١٨
بەرنامەی شەممە ١٣١٠٢٠١٨
بەرنامەی هەینی ١٢١٠٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان
راگەیندراوی ناوەندی هاوکاریی حیزبەکانی کوردستانی ئێران سەبارەت بە ئەگەری لەسێدارەدانی "هیدایەت عەبدوڵلاپوور"
هه‌ڵبژارده‌
دیدگاە روز - تداوم کشتار زندانیان سیاسی و سی امین سالگرد یک فاجعە
روانینی رۆژ - سیاسەت و پەتی سێدارە
happy birthday
خوەر نیشان - مووشەکبارانی قەلای دێموکرات و لێکەوتەکانی میوانی بەرنامە : کاک پێشەوای عەلیپوور ئەندامی رێبەری حیزبی دێموکراتی کوردستان
نامه‌ی پرسه‌ و سه‌ره‌خۆشی به‌ بۆنه‌ی کۆچی دوایی هاوڕێی تێکۆشه‌ر حاجی حوسێن حه‌دداده‌وه‌ 20 / 9 / 2018

به‌ داخێکی زۆره‌وه‌ هه‌واڵی کۆچی دوایی هاوڕێی تێکۆشه‌ر حاجی حوسێن حه‌ددادمان له‌ وڵاتی نۆروێژ پێگه‌یشت. کاک حاجی حوسێن حه‌دداد کەسایەتیه‌کی خۆشناو و سیاسی و تێکۆشەرێکی دێرینی ڕیزەکانی حیزبی دێموکراتی کوردستان، پاش ماوەیەک بەربەرەکانی لەگەڵ نەخۆشی و ناسازی ئەمرۆ پێنج‌ شەممە ڕێکەوتی ٢٠ ـ ٠٩ ـ٢٠١٨ لە تەمەنی ٨٠ ساڵیدا لە یەکێک لە نەخۆشخانەکانی شاری فرێدتیکستاد لە وڵاتی نۆروێژ کۆچی دوایی کرد.
حاجی حوسێن حەدداد لە ٠٥ ـ ٠٣ ـ ١٣١٧ هەتاوی لە ئامێزی بنەماڵەیەکی گەورە و کوردپەروەر و ناسیاوی شاری سەردەشت لە دایک بوو. ژیانی منداڵی خۆی وەک منداڵانی ئەو سەردەم تێپەر کردووە ، لە تەمەنی ٧ ساڵیدا نێردراوه‌ته‌ قوتابخانە . هه‌ر له‌و سه‌رده‌مه‌ش دا حیزبی دێموکراتی کوردستان و کۆماری کوردستان دامەزراون و هاتووچۆی ئەندامانی بنەماڵەکەی و مالی خاڵەکانی ( بنەماڵەی حەسەن‌پوور) بۆ شاری مەهاباد و هاتنی هێزی پێشمەرگە بۆ شاری سەردەشت و هەروەها دیتنی چەکداری پێشمەرگە لەو تەمەنەدا ، کاریگەری لە سەر هەست و دەروونی هەبووە و گه‌رای خۆشەویستی بۆ پێشمەرگە و بۆ شۆڕش و بۆ کوردایەتی له‌ دڵی دا جێگیر بووه‌.
له‌ ساڵه‌کانی ٤٧ و ٤٦ ی هەتاوی پەیوەندی بە کادرەکانی ئەو کاتەی حدکەوەکردوه‌ و متمانەی به‌رپرسان وکادره‌کانی به‌ده‌ست هێناوه‌ و لە ڕێکخستنە نەهێنی‌یەکانی ئەو کات دا سازمان دراوه‌. حاجی حوسێن لە جوڵانه‌وه‌ چەکداری‌یەکەی ساڵانی ٤٧ و ٤٦ ی هەتاوی دا بە ڕادەیەکی بەرچاو هاوکاری کادرەکانی وەکوو شەهید مەلا ئاوارە و موعینی‌یەکان و کەسە دیارەکانی دیکه‌ی ئەو کاتی کردوه‌. کاتێک جوڵانه‌وه‌ی ساڵەکانی ٤٧ و ٤٦ ی هەتاوی سه‌رکوت کراوه‌، حاجی حوسێن نائومێد نه‌بوه‌ و هەروا لەگەڵ ئەو بەشە لە کادرەکانی نیشتەجێ لە باشووری کوردستان لە پەیوەندی دا بوه‌ و بە نەهێنی ئه‌رکی حیزبی به‌ڕێوه‌ بردوه‌.
کاک حاجی حوسێن لە دوای شۆڕشی گه‌لانی ئیران و له‌ خه‌باتی ئاشکرای حیزب دا ٢١ ساڵ لە تەمەنی خۆی چەکی پیرۆزی پێشمەرگایەتی لە شان دابووە و لە سەریەک نزیک بە شەش دەیە وەک ئەندامی هەڵسوور و چالاکی حیزب خزمەتی بە گەل و نیشتمان کردووە. ساڵی ١٣٧٨ ی هەتاوی دوای ساڵانێک خزمەت لە ریزەکانی حدک دا بە هۆی بە ساڵاچوویی، وێرای منداڵەکانی ڕوو ی لە هەندەران کردوه‌ و لە وڵاتی نۆرویژگیرساوه‌ته‌وه‌. لە هەموو ئەو ساڵانەش دا وەک ئەندامێکی چالاکی حیزب لە خزمەت حیزب دابووە و ئه‌رکی حیزبی خۆی به‌ شێوه‌یه‌کی باش به‌ڕێوه‌ بردوه‌.
حاجی حوسێن تا دوایین هەناسەکانی ژیانی هەروا چاوەروانی گەرانەوەی بوو بۆ زێدی لە دایکبوونی خۆی و هیچ کات ئامادە نەبوو کە سەر بۆ دوژمن نەوی بکا و بە دڵەوە ژیانی تاراوگەیی و هەندەرانی هەڵبژارد بۆ ئەوەی تەسلیمی ویستی دوژمن نەبێ.
بە بۆنەی کۆچی دوایی حاجی حوسێن حەدداده‌وه‌ لە ناخی دڵمانەوە سەرەخۆشی لە هەموو ئەندامانی بنەماڵە به‌ڕێزه‌که‌ی و خزمان و ئەندامانی حیزبی دێموکراتی کوردستان و هاورێ و هاوسەنگەرانی دەکەین و خۆمان بە شه‌ریکی خەمی لە دەست دانی ئەو مرۆڤە گەورەیە دەزانین.
ڕووحی شاد و ڕێگای پڕ بێ له‌ ڕێبوار.

له‌ لایه‌ن کومیته‌ی به‌ڕێوه‌به‌ریی حیزبی دێموکڕاتی کوردستان له‌ ده‌ره‌وه‌ی وڵات