به‌رنامه‌کانی روژ
شه‌ممه‌
هەواڵەکان17 / 8 / 2019
کریڤۆ17 / 8 / 2019
اخبار17 / 8 / 2019
هەواڵەکان10 / 8 / 2019
فیلم و دیکومنت10 / 8 / 2019
کریڤۆ10 / 8 / 2019
هەنگاو10 / 8 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی چوار شەممە ٢١٠٨٢٠١٩
بەرنامەی سێ شەممە ٢٠٠٨٢٠١٩
بەرنامەی دوو شەممە ١٩٠٨٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
٢٨ی گه‌ڵاوێژ یادی ٤٠ ساڵه‌ی فه‌رمانی جیهادی خومه‌ینه‌ و هێرش بۆ سه‌ر خه‌ڵكی ئازادیخوازی كوردستان
په‌یامی ده‌فته‌ری سیاسی به‌بۆنه‌ی ٧٤ ساڵەی دامه‌زرانی حیزبی دێموكراتی كوردستان
هه‌ڵبژارده‌
درێژەی چوار دەیە ئاسنی سارد کوتان
رەنگاڵە
لێدوانی بەشێک لە کادر و پێشمەرگەکانی حیزبی دێموکراتی کوردستان، لەبابەت ٢٥ گەلاوێژ بەشی٩
پەیمان نوێکرنەوە لە گەڵ ئامانجە بەرزەکانی دێموکرات
راگه‌یاندراو: کوردستان پێشه‌نگی خه‌باتی جه‌ماوه‌ریی سه‌رجه‌م ئێران 8 / 10 / 2018 وه‌ک دیاره بانگه‌وازی هاوئاهه‌نگی به‌شێک له چالاکانی سیاسی و مه‌ده‌نی و چین و توێژه‌کانی کۆمه‌ڵگای ئێران بۆ به‌ڕێوه‌بردنی مانگرتنی گشتی و داخستنی دووکان و بازاڕه‌کان له رۆژی دووشه‌ممه ١٦ی ره‌زبه‌ردا تا ڕاده‌یه‌کی باش وڵامی ئه‌رێنیی وه‌رگرتۆته‌وه و ته‌نانه‌ت به‌شێك له شاره‌کانی رۆژهه‌ڵاتی کوردستانیشی گرتۆته‌وه. له‌م پێوه‌ندییه‌دا به پێویستی ده‌زانین هه‌ڵوێستی حیزبی دێموکڕاتی کوردستان به‌شێوه‌ی خواره‌وه رابگه‌یه‌نین:
خه‌ڵکی کوردستان به درێژایی نزیک به چل ساڵی رابردوودا له هه‌موو به‌ستێنه‌کانی خه‌باتی ره‌وا به‌دژی ده‌سه‌ڵاتی کۆماری ئیسلامیدا پێشه‌نگ و مه‌یداندار بوون. ناڕه‌زایه‌تیی مه‌ده‌نی و جه‌ماوه‌رییش هه‌میشه یه‌کێک له‌و شێوازانه‌ی خه‌بات بووه که هه‌م خه‌ڵکی کوردستان هه‌ر له سه‌ره‌تای هاتنه‌سه‌رکاری ئه‌م رێژیمه‌وه به‌پێی ده‌رفه‌ت به‌کاریان بردووه، هه‌م له ساڵانی رابردوودا حیزبی دێموکڕاتی کوردستان له گوتار و به‌رنامه‌ی کار و تێکۆشانی خۆیدا گرینگییه‌کی تایبه‌تیی پێ داوه. مانگرتنی رۆژی ٢١ی خه‌رمانانی رابردوو به ئیعتراز له موشه‌کبارانی قه‌ڵای دێموکڕات و ئێعدامی چالاکانی سیاسی و مه‌ده‌نی له نێوخۆی وڵات وه‌ك سه‌رکه‌وتووترین ئه‌زموونی خه‌باتی جه‌ماوه‌ری له ساڵانی رابردوو ده‌ری خست که خه‌ڵکی کوردستان ئاماده‌یه له ده‌لاقه‌ی مه‌سه‌له‌ی کوردستان و ماف و ئازادییه‌کانی خۆی و له رێگای ئه‌م شێوازه‌ی خه‌باته‌وه روانین و قورسایی خۆی روو به ده‌سه‌ڵاتی ناوه‌ندی به‌ ته‌واوی نیشان بدا.
گه‌لی کورد له رۆژهه‌ڵاتی کوردستان خاوه‌نی تایبه‌تمه‌ندیی سیاسی و مێژوویی خۆیه‌تی و به‌پێی ره‌نگدانه‌وه و له‌به‌رچاوگیرانی ئه‌م تایبه‌تمه‌ندییه‌وه ته‌عامول له‌گه‌ڵ پرۆسه سیاسییه‌کانی ناوه‌ند و سه‌رتاسه‌ری ئێران ده‌کا. هه‌ر له‌و کاته‌دا خه‌ڵکی کوردستان له زۆر پرسی وه‌ك ئازادی و دێموکڕاسی و مافه سیاسی و مه‌ده‌نییه‌ گشتییه‌كان و دۆخێك که له‌ژێر سایه‌ی شوومی کۆماری ئیسلامیدا به‌سه‌ر خه‌ڵکی ئێراندا سه‌پاوه، له‌گه‌ڵ چین و توێژ و پێکهاته‌کانی دیکه‌ی نێو کۆمه‌ڵگای ئێران هاوبه‌ش و هاوچاره‌نووسه. ئێستا که ئه‌زموونێك که له ساڵانی رابردوودا خه‌ڵکی کوردستان پێشه‌نگایه‌تییان کردوه به‌تایبه‌تی به‌هۆی ده‌نگدانه‌وه‌ی ئه‌زموونی سه‌رکه‌وتووی مانگرتنی ٢١ی خه‌رمانانی کوردستانه‌وه خه‌ریکه ده‌گوازرێته‌وه بۆ باقیی کۆمه‌ڵگای ئێران، ئێمه هه‌م گشتگیربوونی خه‌باتی جه‌ماوه‌ری له سه‌رتاسه‌ری ئێراندا به شتێکی موسبه‌ت ده‌زانین، هه‌م هاوپێوه‌ندی و به‌شداریی خه‌ڵکی کوردستان له‌م جۆره حه‌ره‌که‌ته سه‌راسه‌رییانه‌دا به سروشتی و له جێگای خۆیدا ده‌بینین.
حیزبی دێموکڕاتی کوردستان به بایه‌خێك که بۆ خه‌باتی جه‌ماوه‌ریی داده‌نێ، وێڕای پێداگریی له‌سه‌ر ئه‌وه که پێویسته رێکاره خه‌باتگێرێیه‌کانی خه‌ڵکی کوردستان به ره‌نگ و بۆی کوردستان و چه‌ندی بکرێ به یه‌كگرتوویی کۆمه‌ڵگای سیاسیی کوردستانه‌وه رێك بخرێن، هاوکات پشتیوانی له‌ هه‌ر جۆره هاوخه‌باتی و هاوپێوه‌ندییه‌کی گونجاو و به‌رهه‌مداری نێوان خه‌ڵکی کوردستان و باقیی چین و توێژه‌کانی کۆمه‌ڵگای ئێران ده‌كا.
حیزبی دێموکراتی کوردستان
ده‌فته‌ری سیاسی
١٦ی ره‌زبه‌ری ١٣٩٧