به‌رنامه‌کانی روژ
شه‌ممه‌
هەواڵەکان14 / 7 / 2018
روانینی رۆژ14 / 7 / 2018
گۆرانی کوردی 14 / 7 / 2018
سیمینار14 / 7 / 2018
اخبار14 / 7 / 2018
هەواڵەکان7 / 7 / 2018
روانینی رۆژ7 / 7 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی هەینی ٢٠٠٧٢٠١٨
بەرنامەی پێنج شەممە ١٩٠٧٢٠١٨
بەرنامەی چوار شەممە ١٨٠٧٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی هاوخەمیی ناوەندی هاوكاریی حیزبەكانی كورستانی ئێران بە بۆنەی رووداوی شاری سنە
ڕاگەیەندراوی ناوەندی هاوكاریی حیزبەكانی كوردستانی ئێران بەبۆنەی ۲۹مین ساڵیادی تیرۆری د.قاسملوو و هاوڕێیانی لە ڤییەن
هه‌ڵبژارده‌
اقتصاد پاشنە آشیل حکومت
دیداری تایبەت - دیداری تایبەت لەگەڵ د. ئاسۆ حەسەن زادە جێگر سکرتێری حیزبی دێموکراتی کوردستان
کاروانی شەهیدان
کۆمسای -ڤیسوودڤێو کۆپڕی ساڵڕۆ وشەهید بییەی د.قاسملووی
هه‌واڵه‌کان
بزه‌ی شه‌هید هه‌ڵناوه‌رێ
ئەنوەر عەزیزیان
5 / 4 / 2018

لەوکاتەوه‌ بەتەمای کۆچی دارستان، سێدارەتان بۆ داخستین ئەم نیشتمانە کەژاوه‌، بزەی شەهید ڕادەژێنێ. ئاخر لێرە، سروود بەباڵای شاخه‌وە دەشنێتەوە، چیا شۆڕابەی داربەڕوو دایپۆشیوە و لەگەڵ هەر تاوەبارانێ سەدان چرۆ سەردەر ئەکا.

ئێمە، لەنسلی تاریخ و بووژانەوەین، بەتاڵانی سەرچاوەکان، بە ڕیکلامی هێندێک ڕۆژنامەی خوێنڕیژ و بیری وەحشی و حیکایەتی قوم و تاران نابڕێنەوه. لە قەسیدەی وەرگێرانی سیاسەتا لە بۆسەی گلارەی شەوا چووینە نێو چەخماخەی برووسکەی عه‌شقەوە، ئەمانەتی ئەو فریشتەباڵ سوورانەین لەچخاری ئەم میژووەدا لە دووتووانەی شەو و ڕۆژا حەرەسی ئەونیشتمانەن. ڕاستە سەرم، پڕە لەگوڵە فرمێسکی میکونۆس و، دڵم پڕە لە شەتاوی قوڵپەی سەرچاوەی ‌ڤیه‌ننا و، قیبلەم بۆتە،گەرمێنی غوربەتی سوور و، هەربستێ لەو بەرەهووتە دەریایەک خوێنی جامانە و هەزاران گوللەی سەر دڵی حەشار داوم. ئەوانەش زۆرن لە سڕی ئەم ناوەدا باڵایان کرد، بەڵام هەی هۆ، کوا سەنگەر و لووتکەی چیا کۆڵ ئەبنەوە؟ ئەوە نیە غوربەت خاکە و خاکیش نه‌قشە و قەڵاش خەریکی وەچەرخانی مێژوویە و، هەموو ڕۆژێ لەو سێدارەی چوارچراوە بە چل ساڵ فتۆای جەهلەوە، هێشتا ئەشق ئەروێ بەسەر هەڵگوردەوە و؛ لەئیلامەوە بۆ سنە و، لە کرماشانە و بۆ ورمێ ئه‌یگوێزنەوە. ڕەنگە بڵێن کەسکی ئەم بەهارە شێعرە و گوڵەساباتی ئەم وەرزە بە ساواقی بورجی ژان و زریکەمان هەڵ ئەوەرێ. سەدان ساڵە لەنێو دەفری سینگی سەرما، ژەهری تاوانی یەک مەراق بە چوار پیاڵە دەخۆمەوە، من لە ئەنفالی سپی و سوور تێپەریوم، لەنێو درزی گاشەبەردا ئەژیمەوە. وەرن سەیری ئەم بزە کەن لە ڕۆژهەڵات، تا گوڵخونچەی دەمی ناسر نەپشکوێ مناڵانی پێ ناکەنن... هەتا وەهاب و کاکەگیان گڕیان بە شەوەوە نەنا ئاسمان نەبوو بە چراخان... تا مامۆستا عەلی نه‌نگوت خۆر لە ئاسۆ دەرنەکەوت... پێتان وابوو لەو گەرمەسێرەی گەرمێنا، شەهید سالار هەڵ دەقرچێ و ناڵەشکێنە دەتوێتەوە؟ لەم وەرزی نوێبوونەوەشدا، هەرهەمان ئازاری پێشوو لە منارەی سەری سێدارەتانەوە هەڵی کرد و، لە قەندیل تۆپەگوڵیگی سەر لێوی چاوی فراندم، بەڵام قەندیل هەر مایەوە و شەبەقی هەر بریسکەیەک لەو گوللانە کابووسی خستە نێو خەوی تیرۆرەوە و زامەکانی شەهید قادر کۆڵان کۆڵانی تاریکی پشکنین و، ڕەشەشەوی داخراوتانی هەڵدایەوە و، لە پەخشی چاوی جیهانا بوو بە بەڵگەی نفرت لە نەحسی سەرشۆری و دوامقیاسی خوداییتان.

ئێستا لاوک، حەیران، هۆرە و سیاچەمانە، بە یەک ئاواز ئەوینی گیان بۆ چەلەنگیی ئەو تەوارە ئەهۆننەوە لە سەنگەری ئازادیدا لەگەڵ ڕووحی قازی، قاسملوو و شەرەفکەندی دەدوێ.. من لێرەوە نیشتمانی خۆم دەبینم ستڕانێکی گەردن کێلە و، لەگەڵ کۆری شەهیدانا جێژن ئەکا و، ئەوانیش کفنیان هەر ئاڵە و، خونچەی لێویان هەڵناگەڕی و هەڵ ناگەڕی و؛ دێموکراتیش موژدەی نەورۆزی هیوایە و سەرئەنجامی خۆشەوستی...

( لە ژمارەی ٧٢٣ی”کوردستان”دا بڵاو بۆتەوە)