به‌رنامه‌کانی روژ
شه‌ممه‌
هەواڵەکان15 / 6 / 2019
وتوووێژەکان 15 / 6 / 2019
کریڤۆ15 / 6 / 2019
لە ئینترنێەوە 15 / 6 / 2019
اخبار15 / 6 / 2019
گۆرانی کوردی 15 / 6 / 2019
هەواڵەکان8 / 6 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی شەممە ١٥٠٦٢٠١٩
بەرنامەی هەینی ١٤٠٦٢٠١٩
بەرنامەی پێنج شەممە ١٣٠٦٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی ناوەندی ڕاگەیاندنی حیزبی دێموکراتی کوردستان بەبۆنەی سی‌ونۆ‌مین ساڵوەگەڕی دامەزرانی ڕادیۆی دەنگی کوردستان
راگه‌یاندراو : به‌ڕێوەچوونی پلینۆمی یازده‌هه‌می کۆمیته‌ی ناوه‌ندیی حیزبی دێموکراتی کوردستا
هه‌ڵبژارده‌
پرسی رۆژ - بابەت : باسێک لەسەر پلینۆمی ١١ی حیزبی دێموکراتی کوردستان میوانی بەرنامە : حەسەن قادرزادە ئەندامی دەفتەری سیاسی حیزبی دێموکراتی کوردستان
ڕێژوان میوانی بەرنامە : هونەرمەند سەید حەسەن کۆساری
درباره‌ی بیانیه‌ی همبستگی برای آزادی و برابری در مخالفت با جنگ
وتووێژی کاک خالید عەزیزی ئەندامی رێبەری حیزبی دێموکراتی کوردستان لە گەڵ رووداو
هه‌واڵه‌کان
ئافەرین رۆژهەڵاتی کوردستان...
سمایل شەرەفی
12 / 9 / 2018

دوای موشەکبارانکردنی قەڵای دێموکرات و بنکەو بارەگاکانی ئەم حیزبە لە لایە باندی مافیای سپای پاسدارانی کۆماری ئیسلامی ئێرانەوە، زۆر کەسمان چاوەڕوانی دژکردەوەی کۆمەڵانی خەڵکی کوردستان بووین. هەرچەند بە پێی فەزایەکی ئەمنیەتی – میلیتاریستی کە رێژیم بە سەر کۆردستانی‌دا سەپاندوە، هەست دەکرا کە دژکردەوەی خەڵک بەرانبەر بە دەستدرێژیی کۆماری ئیسلامی بەو جۆرە نەبێ کە چاوەڕوان دەکرێ، بەڵام مانگرتنە جەماوەرییەکی رۆژی چوارشەممە، رێکەوتی ٢١ی خەرمانان کۆمەڵێک پەیامی گرینگ و لە هەمانکات‌دا دەڵخۆشکەری بڵاو کردوە.

خەڵکی کوردستان لەم مانگرتنە جەماوەرییەدا پێش هەموو شتێک ئەو ڕاستییەیان سەلماند کە بە پێچەوانەی ئەو ئیدیعا پڕوپووچانەی کە رێژیم و دوژمنانی بزووتنەوەی مافخوازانەی رۆژهەڵاتی کوردستان دەیکەن، حیزبی دێموکرات وێڕای حیزبەکانی دیکەی رٶژهەڵات ڕۆڵی نوێنەرایەتیی ئەم بزووتنەوەیە دەگێڕن و جێی متمانەی کۆمەڵانی خەڵکی کوردستانن. دەسەڵاتیی سیاسیی ناوەندگەرای تاران کە هەمیشە هەوڵی داوە داواکارییە سیاسییەکانی حیزبی دێموکرات و حیزبەکانی دیکە بە پرسێکی جیاواز و جیا لە مافی نیشتمانی و نەتەوەیی خەڵکی کوردستان پێناسە بکات و لێکیان داببڕێ، دەبێ لەم مانگرتنە جەماوەرییەی خەڵکی کوردستانەوە بەو ڕاستییە گەیشتبێ کە پیلان و سیاسەتەکانی چەندە مایەپووچ دەرچوون.

خەڵکی زۆرێک لە شار و ناوچەکانی کوردستان بەم مانگرتنە گشتی و جەماوەرییە سەلماندیان کە هێرشی مووشەکیی سپای پاسدارانی رێژیم بۆ سەر قەڵای دێموکرات، هێرش بۆ سەر نوێنگەی بیروباوەڕی نەتەوەیی و نیشتمانیی میللەتێک بوو. کۆماری ئیسلامی ئەگەر توانی لە گەرابەندیی مووشەکەکانی‌دا دیقەتێکی ئەوەندە ورد بکات کە شوێنی کۆبوونەوەی رێبەریی حیزبی دێموکراتی کوردستان بپێکێ، بەڵام بێگومان لە تێگەیشتن لە پێگەی ئەم حیزبە لە بیر و باوەڕ و رەفتاری خەڵکی کوردستان‌دا زۆر بەهەڵەدا چووە.  ئەم رێژیمە کە هەمیشە هەوڵی داوە  پرسی مافخوازانەی کورد لە ئێران تەنیا ببەستێتەوە بە حیزبێک و کۆمەڵێک کەس کە لە دەرەوەی وڵات خەبات دەکەن و وا نیشان بدات کە خەڵکی کوردستان بیرکردنەوەیەکی جیاوازیان لە حیزبەکان هەیە، ئێستا و دوای ئەم مانگرتنانە دەبێ باشتری بۆ دەرکەوتبێ کە بە چ هەڵەیەکی گەورەدا چووە.

مانگرتنی خەڵکی کوردستان بۆ ناڕەزایەتی دەربڕین بەرانبەر بە موشەکبارانکردنی قەڵای دێموکرات و لەسێدارەدانی سێ چالاکی سیاسیی کورد، دەریخست کە سیاسەتەکانی رێژیمی کۆماری ئیسلامی ئێران بۆ کپکردنی دەنگی خەڵک و تەسلیمکردنیان و دوورخستنەوەیان لە حیزبەکان و ترساندنیان لە هەڵوێست نواندن، بە تەواوەتی شکستی هێناوە. ئەوەی لە ڕۆژی چوارشەممەدا وەک مانگرتنی گشتی و جەماوەری لە رۆژهەڵاتی کوردستان رووی دا، بۆ حیزبی دێموکراتی کوردستان و حیزبەکانی دیکەی رۆژهەڵات جێی شانازی پێوەکردن و ئافەرین پێ‌وتنە و بۆ کۆماری ئیسلامی ئێرانیش زەبوونی و داماوییە.