به‌رنامه‌کانی روژ
شه‌ممه‌
فیلم و دیکومنت13 / 7 / 2019
هەواڵەکان13 / 7 / 2019
دیداری تایبەت13 / 7 / 2019
سروودی شۆرشگێری 13 / 7 / 2019
اخبار13 / 7 / 2019
هەنگاو13 / 7 / 2019
هەواڵەکان6 / 7 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی دوو شەممە ١٥٠٧٢٠١٩
بەرنامەی یەک شەممە ١٤٠٧٢٠١٩
بەرنامەی شەممە ١٣٠٧٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
ئه‌مه‌گناسیتان بۆ شه‌هید دوکتور قاسملوو هیوابه‌خشه!
سپاس و پێزانینی کۆمیسیۆنی تەشکیلاتی حیزبی دێموکراتی کوردستان پێوەندیدار بە چالاکییەکانی تایبەت بە یادی سی ساڵەی تێرۆری دوکتور قاسملوو
هه‌ڵبژارده‌
رێبازی قاسملوو، رێبازی حیزبی دێموکرات -ژیاندۆستی و هەوڵدان بۆ بەختیاریی کۆمەڵ
ڕێورەسمی یادی د.قاسملوو لە گۆرستانی پێرلاشێز - پاریس بەشی یەکەم
وەک خۆی - ڕێوڕەسمی بە خاکسپاردنی هونەرمەندی تەنبوورژەن تاهیر یاروەیسی لە کرماشان
کاروانی شەهیدان
هه‌واڵه‌کان
بۆ ڕوحی پیرۆزی قاسملوو
شێرکۆ بێکەس
6 / 7 / 2019

لە سەدەی پێشکەوتندا

لە مەملەکەتی یاسا و قانووندا

لە پێتەختی دێموکڕاسی، لە لانکی پێشکەوتن و عەداڵەتدا

لە سەدەی بیست، لە هەناوی ئورووپادا

لەسەرمینبەری کلیسا، لە بەردەمی پاپادا

ئاشتیخوازێک، مافخوراوێک، پێشمەرگە و سەرکردەیەک لە خاچ درا،

قاسملووی کورد تیرۆرکرا

نیشتمانێک ڕەشپۆش کرا

ئاسمان خڕۆشا گەردوونی گریاند

گۆڕ لەرزی و زەوی هەژاند

بەڵام ئەهلی کتێب و یاسا تا ئێستا کپ و بێدەنگ هەر لە خەودان

لە خۆرهەڵاتی نێوەڕاستەوە

لە تەکیەی تاریک پەرستانی جەمارانەوە

لە کۆشکی جیهاد و جینایەت و ئەنفالەوە

ڕەوەی دڵڕەش و قین لە دڵ

بەدەمامک و شمشێرەوە

بۆ زەماوەندی مەرگی فریشتەیەک

هاتنە ناوەندی خۆرئاوا

لە ڤییەنی شۆخ و شەنگدا

لە باوەشی بووکی ڕازاوەی ئورووپادا

مەرگیان بە باڵای قاسملوو بڕی

لە بیابانی غوربەتدا

لە شەوەزەنگی سیاسەت و بێدادیدا

لەناو گڕی باڕوت وگوللەدا

ڕوحیان سووتاند

قاسملوو و هاوڕێکانی شەڵاڵی خوێن و

خوێنڕێژانیش بە پەنجەمۆری خوێناوییەوە

بە دەهۆڵ و زوڕنای مەرگەوە

بە بەردرگای کۆشکی خاوەن شکۆدا

لەنێو ئاپۆرای بازرگانان و سیاسەتواناندا

بە کەژاوەی ڕازاوەی سیاسەتی بەرژەوەندی و درۆ، لەژێر چارشێوی مەغول و هیتلێردا

لەژێر سێبەری ئینجیل و خاچەکەی عیسادا

بەرەو بارەگای جەهل و جەهالەت

بەرەو کۆشکی ئەهریمەنیی هۆلاکۆ بەدرەقەکران

داد و دێموکڕاسیش متتەقیان لێوە نەهات

لەمێژ ساڵە لە کوردستانی داگیرکراودا

خاکی کورد و مافی کورد و نەوتی کورد

کلیلی دەروازە داخراوەکانی نێوان زۆرداران ودەوڵەتانن، بەڵام بۆ یەکەم جارە لەمێژوودا

لەسەرمینبەری کلیسا، لەسەر تابووت و تەرمی کورد، مزگەوت و کلیسا بەیەک دەگەن

قەشە و ئاخوند شمشێر و خاچ لەیەک دەگەن

دەرگای دادگا گاڵە دەدرێن، حەق و یاسا لەنێو دەبرێن

بێتاوان تاوانبار و تاوانبارخەڵات دەکرێن

ئەی سیاسەتوانانی کۆشک و کلیسا

سەدان ساڵە بە بێتاوان لەناو دەبرێین

ساڵەهایە خوێنمان دەڕژێ و دەکوژرێین

زەمەنێکە هەقمان دەخورێ وهاوار دەکەین

هەتا کەی کپ وبێ دەنگن؟ 

هەتاکەی ئاشقی زێڕ ونەوت وگەنجن؟

تاکەی تەماشاچی مەرگی ژن وپیاو  و پیر و گەنجن؟

تاکوو ئێوە وا بێدەنگ بن

تا کڕنۆش نەبەن بۆ سەر گۆڕی شەهیدی من

تا لە کریسمەس ڕۆشن نەکەن مۆمێ لەسەر مەزاری ڕێبەری من

تا تاجەگوڵینە دانەنێن لەسەرگۆڕی سەربازی ون، تا شەرمەزار نەکەن دژمنی خوێنڕێژی من

تا پێرلاشێز ئارام نەگرێ لە ئاهو حەسرەتی میوانی دووروڵاتی غەریبی من

تا لەسەر ئیڤێل لێ نەدرێ جاڕی مافخوراوی شەهیدی من،

لێرە لەم مینبەرەوە لە بناری قەندیلەوە، لە ماڵەکەی قاسملوووە تا ئورووپا ، هەموو ڕۆژێ، هەموو ساڵێ، لەبەر دەرگای پارلمان وکلیساتان، لەبەر پەنجەرەی هەموو ماڵێ،

لەگشت شەقامێ، لەنێو هەموو گوندێ، لە ناوەندی هەموو شارێ، لە هەموو مێدیاکانی جیهانەوە هاوار دەکەم، تا دەهەژێن کۆشک و تەلار، تا ڕیسوا بێ هاودەست و دۆستی زۆردار،

هەمووجارێ لەگەڵ زەنگی کلیساتان هاوار دەکەم تا ویژدانە نووستوەکان لە خەو ڕابن، هاوار دەکەم تا گوێچکە ئاخنراوەکان، دەرگا داخراوەکان

دەکرێنەوە

هاوار دەکەم تا ئەو ڕۆژەی یاسا و داد ودادوەرتان شەرم دەیگرێ،

 هاواردەکەم

تا ئەو ڕۆژەی رۆحی پیرۆزی قاسملووی کورد ئارام دەەگرێ